ಗೂಗಲ್ ನಲ್ಲಿ ಕನ್ನಡ....

ಹೌದು ರಾಜೇಶ್ ರವರೆ,

ನಾ ಕೊಟ್ಟಿರುವ ಲಿಂಕ್ ಗೂಗಲ್ ನ ತಾಣಗಳನ್ನು ಕನ್ನಡಕ್ಕೆ ಭಾಷಾಂತರಿಸುವ ಅಥವಾ ಬ್ರೌಸರ್ನಲ್ಲಿ ಒಂದು ಪೇಜ್ ತೆರೆದಾಗ ಗೂಗಲ್ ಟೂಲ್ ಬಾರ್ ನಲ್ಲಿ ಲಭ್ಯವಿರುವ Tools Option --> Translate (ಅನ್ಯಭಾಷೆಯಿಂದ ಕನ್ನಡಕ್ಕೆ...) ಉಪಯೋಗಿಸುವ ಅಯ್ಕೆಗೆ ಮಾತ್ರ ಸೀಮಿತವಷ್ಟೆ... . ನನ್ನ ಈವರಿಗಿನ ಬಹುದೊಡ್ಡ ಆಸೆ ಗೂಗಲ್ ಅದಷ್ಟು ಕನ್ನಡಮಯವಾಗಬೇಕಂತ, ಅದರಲ್ಲಿ ಕನ್ನಡ ಭಾಷಾಂತರ ಅಯ್ಕೆ ನಮಗೆ ಲಭಿಸಿದರೆ ಮುಂದೆ ಮುಖ್ಯ ಮಾಹಿತಿಗಳನ್ನ ಕನ್ನಡದಲ್ಲಿ ಓದಿ ಸಂತಸಪಡಬಹುದು :)

ನಿಮ್ಮ "ವಿಸ್ಮಯ ಯೋಜನೆಯ ಅಂಗವಾದರೂ ಕನ್ನಡ ಭಾಷಾಂತರ ಸಾಫ್ಟ್ ವೇರ್ ಮಾಡುವ ಬಗ್ಗೆ" ಹೇಳುವುದಾದರೆ ನಾವು ಅದಕ್ಕೆ ಸದಾ ಸಿದ್ಧ. ನಿಮ್ಮ ಸೂಚನೆ/ಸಲಹೆಗೆ ಸದಾ ಸ್ವಾಗತ.... . ನಾನಂತೂ ಈ ಯೋಜನೆ ಕಾರ್ಯ ರೂಪಕ್ಕೆ ಬಂದರೆ ನಿಮಗೆ ನನ್ನ ಕೈಲಾದಷ್ಟು ಸಹಾಯ ಮಾಡುವೆ. 

ಹಾಯ್ ವಿನಯ್ ಅವರೇ,

ಬಹುಶಃ ನೀವು ಹೇಳುತ್ತಿರುವದು ಗೂಗಲ್ ನ ತಾಣಗಳನ್ನು ಕನ್ನಡಕ್ಕೆ ಭಾಷಾಂತರಿಸುವ ಬಗ್ಗೆ ಹೊರತು ಭಾಷಾಂತರ ಸಾಫ್ಟ್ ವೇರ್ ಬಗ್ಗೆ ಅಲ್ಲ ಎಂದು ಭಾವಿಸುತ್ತೇನೆ. ಯಾಕೆಂದರೆ ನೀವು ಕೊಟ್ಟ ಲಿಂಕ್ ನಲ್ಲಿ  ಗೂಗಲ್ ತಾಣ ಭಾಷಾಂತರಿಸುವ ವಿವರ ಇತ್ತು.

ಗೂಗಲ್ ತಾಣಗಳು ಕನ್ನಡಕ್ಕೆ ಬರುವದು ಸಿಹಿ ಸುದ್ದಿಯೇ ಆದರೂ ಕನ್ನಡ ಭಾಷಾಂತರ ಸಾಫ್ಟ್ ವೇರ್ ಬರುವಂತಿದ್ದರೆ ಇನ್ನೂ ಚೆನ್ನಾಗಿರುತಿತ್ತು. ಯುನಿಕೋಡ್ ನ ಕ್ರಾಂತಿಯಿಂದ ಕನ್ನಡ ಬ್ಲಾಗ್ ಲೋಕ ಕಾರಂಜಿಯಂತೆ ಚಿಮ್ಮಿದೆ. ದೊಡ್ಡ ಕಂಪನಿಗಳಿಂದ ಅದೂ ಬರುತ್ತೆ ಎಂಬುದು ನನ್ನ ಅನಿಸಿಕೆ. ಇಲ್ಲದಿದ್ದರೆ ವಿಸ್ಮಯ ಯೋಜನೆಯ ಅಂಗವಾದರೂ ಕನ್ನಡ ಭಾಷಾಂತರ ಸಾಫ್ಟ್ ವೇರ್ ಮಾಡುವ ಬಗ್ಗೆ ಪರಿಶೀಲಿಸೋಣ.