ದಿನಕ್ಕೊಂದು ಜೋಕು...ಒಮ್ಮೆ ನಕ್ರೆ ಸಾಕು..("..ಟೈಮ್ ಎಷ್ಟಾಯ್ತು..")

"""""....ಟೈಮ್ ಎಷ್ಟಾಯ್ತು...."""""
.
.
.
ಒಮ್ಮೆ ನಮ್ಮ ಗುಂಡಣ್ಣ ಯಾವುದೋ ಕೆಲಸದ ಮೇಲೆ ಬೇರೆ ಊರಿಗೆ ಹೋಗ್ತಾಯಿದ್ದ. ಆದರೆ ಅವನು ತನ್ನ ವಾಚ್ ನ್ನು ಮನೆಯಲ್ಲೇ ಮರೆತು ಬಂದಿದ್ದ. ಸಮಯ ಎಷ್ಟಾಗಿರಬಹುದು ಅಂತ ತಿಳಿದುಕೊಳ್ಳಲು..
ಕೈಯಲ್ಲೊಂದು ದೊಣ್ಣೆ ಹಿಡಿದು ಕೊಂಡು ನಿಂತಿದ್ದ , ಅರೆಹುಚ್ಚನಂತಿರುವ ವ್ಯಕ್ತಿಯನ್ನು "ಟೈಮ್ ಎಷ್ಟಾಯ್ತು" ಸರ್. ಎಂದು ವಿಚಾರಿಸಿದ..

ಟೈಮ್ ಕೇಳಿದ್ದ ತಡ ಆ ವ್ಯಕ್ತಿ , ತನ್ನ ಕೈಲಿದ್ದ ದೊಣ್ಣೆಯಿಂದ ಗುಂಡಣ್ಣನ ತಲೆಗೊಂದು " ಢಣ್ " ಎಂದು ಬಲವಾದ ಏಟು ಕೊಟ್ಟು " ಒಂದ್ " ಗಂಟೆ ಆಯ್ತು ಎಂದು ಹೇಳಿದ..

ಗುಂಡಣ್ಣನಿಗೆ ತಾನೆಲ್ಲಿದ್ದೇನೆ ಅಂತ ತಿಳಿದುಕೊಳ್ಳಲಿಕ್ಕೇ.. ಎರಡು ನಿಮಿಷ ಬೇಕಾಯ್ತು..

ಆದರೆ ಮನಸ್ಸಿನಲ್ಲಿಯೇ ಏನೋ.. ಆಲೋಚಿಸಿ ಹ್ಹ್...ಹ್ಹ್..ಹ್ಹಾ... ಎಂದು ನಗುತ್ತಾ.. ತಾನು ಬಂದ ದಿಕ್ಕಿನಲ್ಲಿಯೇ.. ವಾಪಾಸ್ ಹೋಗುತ್ತಿಲ್ಲವಲ್ಲ ಅಂದು ಸರಿಯಾಗಿ ಕನ್ ಫರ್ಮ್ ಮಾಡಿಕೊಂಡು ಮುಂದೆ ಹೋದ..!
.
ಇದನ್ನೆಲ್ಲಾ ನೋಡುತ್ತಾ ನಿಂತಿದ್ದ ದಾರಿಹೋಕನೊಬ್ಬ "ಅಲ್ಲಾ... ಸರ್ ಅವನು ನಿಮ್ಮನ್ನು ಅಷ್ಟು ಜೋರಾಗಿ ಹೊಡೆದರು ನೀವು ಒಂದು ಮಾತು ಬೈಯದೇ ನಗತಾ ಹೋಗ್ತಿದ್ದೀರಲ್ಲಾ " ಅಂತ ಆಶ್ಚರ್ಯದಿಂದ ಕೇಳಿದ.
.
ಅದಕ್ಕೆ ಗುಂಡಣ್ಣ ನಗುತ್ತಾ ಹೇಳಿದ " ಸದ್ಯ ನಾನು ಅವನ ಬಳಿ ಒಂದ್ ಗಂಟೆ ಮುಂಚೆ ಟೈಮ್ ಕೇಳಲಿಲ್ವಲ್ಲ ಅದಕ್ಕೆ ಖುಷಿ ಆಯ್ತು.. ಆ ದೊಣ್ಣೆಯಿಂದ ಒಂದು ಏಟು ತಿಂದ ನನಗೆ ಸುಧಾರಿಸಿಕೊಳ್ಳಲು ಸಾಕು ಸಾಕಾಯಿತು. ಅಂತಹುದರಲ್ಲಿ ಇವನ ಬಳಿ ಹನ್ನೆರಡು ಗಂಟೆಗೆ ಟೈಮ್ ಕೇಳಿ ಹನ್ನೆರಡು ಬಾರಿ ಹೊಡೆಸಿಕೊಂಡವರೆಲ್ಲ.. ಈಗ ಯಾವ ಸ್ಥಿತಿ ತಲುಪಿರಬಹುದು" Mostly ಅವರೆಲ್ಲಾ ಸತ್ತೇ ಹೋಗಿರಬಹುದೇನೊ..ಹ್ಹ್...ಹ್ಹ..ಹ್ಹಾ ..!."