ಬೆಳಿಗ್ಗೆ "ಕೊಸಲ್ಯ ಸುಪ್ರಜಾ ರಾಮ ... " ಆಗಲೇ ನನ್ನ ಮಡದಿಯ ಸುಪ್ರಭಾತ ಮುಗಿದು, ಅಷ್ಟೊತ್ತರ ನಾಮಾವಳಿ ನಡೆಯುತ್ತಿತ್ತು. "ಎಷ್ಟು ಸಾರಿ ನಿನಗೆ ಹೇಳುವದು ಹೀಗೆಲ್ಲ ಮಾಡಬೇಡ ಎಂದು". ದೇವರ ಮನೆ ಇಂದ ಕಣ್ಣಾಡಿಸಿದಾಗ ತಿಳಿಯಿತು ಆಗಲೇ ನಮ್ಮ ೨ ವರ್ಷದ ಕುಮಾರ ಕಂಠೀರವ ಸಬ್ಬಕ್ಕಿ ಉಪ್ಪಿಟ್ಟಿನಿಂದ ಅಭಿಷೇಕ ಮಾಡಿಕೊಂಡಿದ್ದನೆಂದು. ನಿನ್ನೆಯೇ ನನಗೆ ಲಾಲಿ ಹಾಡು ಆಗಿತ್ತು "೪ ದಿವಸಗಳಿಂದ ಹೇಳ್ತಾ ಇದ್ದೇನೆ ದಿನಸಿ ಯಾವಾಗ್ರಿ ತರ್ತಿರ" ಎಂದು. ಇವತ್ತೇನಾದರೂ ದಿನಸಿ ತರ್ದಿದ್ರೆ ನನಗೆ ಸಹಸ್ರನಾಮಾವಳಿ ಗ್ಯಾರಂಟೀ ಎಂದು ಗೊತ್ತಿದ್ದರಿಂದ ಮೊಬೈಲ್ನಲ್ಲಿ Reminder ಇಟ್ಟು ಆಫೀಸ್ಗೆ ಹೊರಟೆ.
ಆಫೀಸ್ನಲ್ಲಿ ದಿನಸಿ ಪಟ್ಟಿಯನ್ನು ತೆಗೆದೆ.. ಪಟ್ಟಿ ಹೀಗಿತ್ತು
ಇಡ್ಲಿ ರವ
ಅವಲಕ್ಕಿ...
Missile
.....
ತಟ್ಟನೆ ಕಣ್ಣು ಅಲ್ಲಿಯೇ ಸ್ಟಾಪ್ ಆಗಿಬಿಟ್ಟಿತು ಏನಿದು Missile ಎಂದು ಯೋಚನೆ ಮಾಡಿದೆ. ಏನೆಂದು ಹೊಳಿಲೆ ಇಲ್ಲ. ಈಗೆನಾದ್ರು ಅವಳಿಗೆ ಫೋನ್ ಮಾಡಿ ಕೇಳಿದ್ರೆ, "ನಾಲ್ಕು ದಿನಗಳು ಆಯಿತು ಏನ್ ಎಮ್ಮೆ ಮೆಯ್ತಿದ್ರ ಸಾರೀ ಮೆಯಿಸ್ತಿದ್ರ ಅಂತ ಕೊಪಿಸ್ಕೊತಾಳೆ" (ಅವಳಿಗೂ ಗೊತ್ತು ನಾನು ಗೋವುಗಳ ಪಾಲ (ಯಾನಿ ಗೋಪಾಲ)). ನಾನೆ ಕಂಡುಹಿಡಿಯೋಣವೆಂದು ಇಂಟರ್ನೆಟ್ ಜಾಲಾಡಿದೆ. ನಾನು ಓದಿರೋ "Wren And Martin" ಮತ್ತು "Oxford Dictionary" ಕೂಡ ಏನು ಸಹಾಯಕ್ಕೆ ಬರಲಿಲ್ಲ. ಕೊನೆಯ ಪ್ರಯತ್ನವಾಗಿ ಎಲ್ಲ ಗೆಳೆಯರಿಗೆ SMS ಮಾಡಿ "ಮ್" ನಿಂದ start ಆಗುವ ಮತ್ತು "Missile" ಗೆ ಪ್ರಸಬದ್ದ ವಗಿರೋ ದಿನಸಿ ವಸ್ತುಗಳೆನೆಂದು. ಒಂದೊಂದೇ ಉತ್ತರಗಳು ಬರಲಾರಂಬಿಸಿದವು. Masala, Masaladose, Mausambi,Mosaru, Moongdal,Munch,Manchuri, ಮಂಡಾಳ(ಕಡಲೆಪುರಿ),Meera Shikakai, Masala Vade etc... ಎಲ್ಲವನ್ನು ಕೇಳಿ Confirm ಮಾಡುವದಕ್ಕೆ ಹೆಂಡತಿಯನ್ನು ಒಂದೊಂದಾಗಿ ಫೋನ್ ಮಾಡಿ ಕೇಳಿದೆನು ಇವು ಏನಾದ್ರು ಬೇಕ ಅಂತ. ಎಲ್ಲಕ್ಕೂ ನಕಾರಾತ್ಮಕ ಉತ್ತರ. ಅವಳಿಗೂ ಸ್ವಲ್ಪ ಅನುಮಾನ ಬಂತು ಏಕೆ? ಎಂದಾಗ ಏನಿಲ್ಲ ಹಾಗೆ ಕೇಳಿದೆ ಎಂದೆ. ಆನಂತರ ಒಬ್ಬ ಮಿತ್ರನು ಫೋನ್ ಮಾಡಿ ಏನೋ ನಿನ್ನ ಹೆಂಡತಿ ಮಲೆಯಾಳಿ ಏನೋ ಎಂದ. ಏಕೆ? ಎಂದಾಗ murukku ಇರಬಹುದ ಎಂದ. ಅದನ್ನು ನೋಟ್ ಮಾಡಿ ಮತ್ತೆ ಯಾವದಾದ್ರು ಶಬ್ದಗಳು ಇವೆಯಾ?. ಮೊಸಳೆ(Crocodile), ಮುಸಲ(ಸಂಸ್ಕೃತದಲ್ಲಿ ದೊಣ್ಣೆ) ಎಂದ. ಕೆಟ್ಟ ಕೋಪ ಬಂತು. ಕೊನೆಗೆ ಕೇಳಿಯೇ ಬಿಡೋಣ ಎಂದು ಹೆಂಡತಿಗೆ ಫೋನ್ ಮಾಡಿ ಏನಿದು ನೀನು ಬರ್ದಿರೋದು Missile ಎಂದಾಗ. ಅದು mixture ಎಂದು ತಿಳಿಯಿತು. ಬಿಜಾಪುರ ಕಡೆ ಅದನ್ನ ಮಿಸ್ಸಳ್ಳ ಎಂದು ಕರೆಯುತ್ತಾರೆ.
ಮನಸ್ಸಿಗೆ ಮಸಾಲೆ ದೋಸೆ ತಿಂದಷ್ಟು ಸಂತೋಷವಾಯಿತು. ಮನೇಲಿ ಹೊಸ ರುಚಿಗಳ ಪ್ರಯೋಗ ಬೇರೆ ನಡೀತಾ ಇದೆ ಈ Missile ನನ್ನ ಹೊಟ್ಟೆ ಮೇಲೆ ಪ್ರಯೋಗ ಮಾಡಬಹುದು.
ಮದುವೆಯ ಹೊಸದರಲ್ಲೂ ಹೀಗೆ ಒಂದು ಹೊಸ ಪ್ರಯೋಗ ನನ್ನ ಹೊಟ್ಟೆ ಮೇಲೆ ನಡೀತು. ಹೊಸ ರುಚಿ ಅಂತ ಒಂದು ಬಣ್ಣ ಬಣ್ಣದ ತಿಂಡಿ ಮಾಡಿದ್ದಳು ನನ್ನ ಮಮತೆಯ ಮಡದಿ. ತಿಂಡಿಯ ಮೇಲೆ ಒಂದು ನಿಂಬೆ ಹಣ್ಣಿನ ಹೋಳು, ಸವತೆ ಹೋಳು, ಮತ್ತು ಗಜ್ಜರಿ piece ಗಳು ಸಹ ಇದ್ದವು. "ನವರತ್ನ ಕುರ್ಮಾ ಚೆನ್ನಾಗಿದೆ " ಎಂದೆನು. ರೋಟಿ ಅಥವಾ ಚಪಾತಿ ಇದ್ದರೆ ಕೊಡು ಎನ್ದೆನು. ಸಿಟ್ಟಿನಿಂದ "ನಾನು ಪಾಯಸ ಮಾಡಿದ್ದು" ಎಂದು ಮುಖ ತಿರುಚಿದಳು. ಮತ್ತೆ ಇದೇನೆ ನೆಂಚಿಕೊಳ್ಳಲು ನಿಂಬೆ, ಸವತೆ, ಗಜ್ಜರಿ piece ಗಳು ಏಕೆ?. ಎಂದಾಗ ಓ ಅದಾ ಅದು ಹಾಗೆ ಡಿಶ್ ಚೆನ್ನಾಗೆ ಕಾಣಲೆಂದು ಇಟ್ಟಿದ್ದು ಅದನ್ನೇ ನೆಂಚಿಕೊಂಡಿರ ಎಂದಳು. ಮರುದಿನ ಹೊಟ್ಟೆಯಲ್ಲಿರೋ ಮೂಳೆಗಳು ಸಡಿಲವಾಗಿಬಿಟ್ಟಿದ್ದವು.
ಈಗ ಅವಳಿಗೆ ಹೊಸ Testing Engineer ಸಿಕ್ಕಿದ್ದಾನೆ, ಅದಕ್ಕೆ ಇರಬೇಕು ನನ್ನ ಮಗ ಕನ್ಫ್ಯೂಸ್ ಆಗಿ ಅವಳು ಮಾಡಿದ Program( ಹೊಸ ರುಚಿಯನ್ನು) ನ್ನು Automatic testing ಮಾಡಿದ್ದಾನೆ(ತಲೆಯಿಂದ ತಿನ್ನಲು ಪ್ರಯತ್ನಿಸಿದ್ದಾನೆ).
ಏನೇ ಆಗಲಿ... ನಿಜವಾಗ್ಲೂ ಮೊದಲು ನನ್ನ ದೇಹದಲ್ಲಿ ಇದ್ದದ್ದು ಎಲವುಗಳು ಮಾತ್ರ, ಈಗ ಖಂಡವು ಇದೆ ಮಾಂಸವು ಇದೆ. ಇದು ನನ್ನ ಮಡದಿಯ ಹೊಸ ರುಚಿಯ Missile ಪ್ರಯೋಗದಿಂದಲೇ ಆಗಿರಬೇಕು.
ಮರುದಿನ ಮಾರುತಿ ಮಂದಿರಕ್ಕೆ ಹೋಗಿ ನನ್ನ ಮಡದಿಯ ಕಂಗ್ಲಿಷ್ ಅಲ್ಲಾ..ಸಾರೀ(Sorry) ಇಂಗ್ಲಿಷ್ ಸರಿ ಮಾಡೆಂದು ಬೇಡಿಕೊಂಡೆನು.
ಧನ್ಯವಾದಗಳು. ಸ್ವಲ್ಪ ದೋಷವಿದೆ
ಧನ್ಯವಾದಗಳು. ಸ್ವಲ್ಪ ದೋಷವಿದೆ ಪರಿಹರಿಸುವೆ.
ಲೇಖನ ಚನ್ನಾಗಿದೆ.
ಲೇಖನ ಚನ್ನಾಗಿದೆ.
ಒಂಥರಾ ಚೆನ್ನಾಗಿದೆ! ಮುಂಚೆ ಸುಧಾ
ಒಂಥರಾ ಚೆನ್ನಾಗಿದೆ! ಮುಂಚೆ ಸುಧಾ ಮಯೂರದಲ್ಲಿ ಬರ್ತಿದ್ದ ವಿಶಾಲೂ-ವಿಶು ತಿಳಿ ಹಾಸ್ಯದ ತರ ಇದ್ದರೂ ವಿಸ್ಮಯಕ್ಕೆ ಹೊಸತು. ಬರವಣಿಗೆ ಶೈಲಿ ಇನ್ನೂ ಆಕರ್ಶಕವಾಗಿರಬೇಕಿತ್ತು....ಕಾಗುಣಿತ ದೋಷ ಕಡಿಮೆ ಇದ್ದಿದ್ದರೆ ಮತ್ತೂ ಉತ್ತಮವಾಗಿತ್ತು!ಉದಾಹರಣೆಗೆ: ಕೊಸಲ್ಯಾ...ಬದಲು ಕೌಸಲ್ಯಾ....ಇಲ್ಲದಿದ್ದರೆ ಅದು ನಿಮ್ಮ ಲೆಖನದ ಅಡಿಯಲ್ಲಿ ಕೊಸಲ್ಯಾ.ಕೋಸು ಪಲ್ಯಾ...ಆಗಿ ಬಿಟ್ಟೀತು!!
ನಿಮ್ಮ ಅನಿಸಿಕೆ ತಿಳಿಸಿ